Categorías
Blog

New Ground, High Barnet. Reino Unido

María Pierres, os seus top ten.

Cohousing High Barnet
Grupo de residentes

Este cohousing gústame especialmente polo seu carácter pioneiro.

Trátase do primeiro cohousing para persoas maiores completado no Reino Unido. 

E para comprender o contexto no que naceu é preciso apuntar que en toda Inglaterra, o 70 por ciento das mulleres maiores de 75 anos viven en soidade. Esta iniciativa parte dun grupo de 26 mulleres que proviñan de asociacións feministas e LGTBI que sendo solteiras maiores de 50 anos querían apoiarse mutuamente a medida que envellecían, e evitar a soidade non desexada. Cada residente ten o seu propio departamento a medida; 17 das casas son de propiedade privada e oito son para alugueiro social.

Neste cohousing déronse polo tanto moitas alianzas entre asociacións, algo que fala da importancia de crear sinerxias entre grupos, institucións e incluso entidades bancarias. Todo suma nunha experiencia deste tipo.

As mulleres de New Ground son o exemplo perfecto da convicción da comunidade neste modelo habitacional. O seu proceso dilatouse en exceso no tempo, nin máis nin menos que 16 anos!, e aínda así, saiu adiante…

A razón deste retraso foi que tiveron que asumir elas mesmas gran parte dos cometidos de cada fase do proceso. Ben é certo que unha Asociación de Vivenda as axudou nos inicios cubrindo certos gastos, e colaborando finalmente coa posta a disposición do solar, unha antiga escola do Barrio de High Barnet.

Todo cohousing depende en gran medida da capacidade económica do grupo de persoas que o conforman, e neste caso podemos falar de que é un de categoría intermedia, no que cabe salientar o feito de que a propia asociación ou cooperativa conformada é a propietaria principal da edificación, tamén das 8 vivendas de alugueiro social, e eles deciden en cada momento sobre estas vivendas e a súa ocupación a prezos sempre asequibles. Unha función social que sen dúbida hai que destacar e moito, polo que supón de contribución social deste tipo de comunidades que suplen en moitos casos a laboura das administracións públicas.

Interesante a opción que plantexaron de contar cun apartamento para «convidados» que se sitúa na pranta superior da edificación e pode ser empregada puntualmente por calquera amizade ou familiar das residentes.

Outros extras interesantes deste cohousing son:

  • Todas as vivendas teñen balcón amplo ou terraza
  • Gran xardín comunitario con espacio reservado para hortas
  • Cociña común
  • Lavandería y zona de secado comunitaria
  • Parking comunitario
  • Sala de reuniones de 82 m2
  • Oficinas gestión cohousing

Agardo vos guste tanto coma a mín. Aquí vos deixo unhas imaxes para que o coñezades con máis detalle.